ABRA Arabako Errioxako Upeltegien Elkartea

Zaporeen harmonia eta kontrastea

Ardoen eta plateren arteko harmonia ulertzeko, platera ez da osotasun gisa ikusi behar, baizik eta platera osatzen duen jatorrizko produktua (haragia edo arraina) soilik hartu behar da kontuan. Arreta berezia eskaini behar zaie, halaber, elikagaiak egiteko moduari edo elikagaien usainei, horrela, gehigarririk egokiena zein ardo den erabaki ahal izango dugu eta. Ardoa aukeratzeko orduan, kontuan hartu beharreko beste elementu garrantzitsu bat saltsa da. Adibidez, gurin zuri irabiatuari oso ondo doakio mistela edo ardo erdi-gozoa; espeziaz ondutako saltsarekin, berriz, ardo zuria hartzea gomendatzen da.

Plateraren hornigaia edo goarnizioa ere garrantzitsua da. Lekale berdeei apur bat azidoak edo garratzak diren ardoak ongi doazkie eta tuberkuluei ordea, ardo leunagoak, alegia, gozoak ez diren ardoak.

Zaporeen artean harmonia egon dadin, ezinbestekoa da produktu onak erabiltzea, usainak, zaporeak eta testurak konbinatzeaz soilik arduratzeko. Garrantzitsua da elkartutako usainak elkarren artean ongi moldatzea, ahoan gogorregiak ez suertatzeko eta ondorioz, desatseginak izan ez daitzezen. Zaporeek, bestalde, ezin dute batak bestea estali, baizik eta elkar osatu behar dute. Esate baterako, alkohol asko duen ardoa ez da inoiz egokia izango gozoegia den postreari laguntzeko. Azkenik, testurek ere elkar errespetatu behar dute. Ardo batek egitura konplexuegia baldin badu, egokia izango da saltsa aberatsei laguntzeko, saltsak taninoak xurgatzeko gaitasuna du eta. [Zaporearen harmonia eta uztartzearen heziketa]

Ardoak eta platerak konbinatzeari buruz, adibidez, Marqués de Riscalen Barón de Chirel ardoa, ardo leuna da, beraz, parrillan egindako haragiarekin soilik edateko egokia litzateke. Era berean ongi doakio labean egindako txerrikumeari ere. Beste alde batetik, Ruedaren Riscal zuria ezin hobe doakio itsaski-paellari edo baita izkiratzar saltsan egindako arrainari ere.

Jakina da cava oso egokia dela marrubiak laguntzeko, baina baita janari japoniarrarekin konbinatzeko ere.

Chardonnay barietateko ardo zuriei dagokienez, osagarririk egokienak parrillan egindako otarraina, arraina lurrunetan edo pasta itsaskiekin izango lirateke. Merlot barietateko ardo beltza, ordea, pasta leunei, parrillan egindako haragiei eta gazta ez oso zaporetsuei laguntzeko egokiena da. Cabernet Sauvignon, bestalde, gazta erdionduekin, erreta edo labean egindako haragiekin edo untxian oinarritutako platerekin hartzeko aproposa da.

Ardorik zaporetsuenak, hau da, beltz onduak, erreserbak edo erreserba handikoak primerakoak dira solomoa piperbeltzarekin, parrillan egindako errekiarekin edo gazta onduarekin harzteko. Azkenik, malbec barietateko ardoak oso egokiak izan daitezke kreol jakiei, parrillan egindakoei eta ehizakiei laguntzeko.

Aholku bat: ez inoiz saiatu harmonia bikaina lortzen tartean orburuak edota alkatxofak edo ozpina nagusi duten platerak baldin badaude, biak konbinaezinak dira eta!

 

Kategoria hau baino gehiago: « Harmoniaren bila

Tweet HTML

ABRA 2.0

Informazio legala