ABRA Arabako Errioxako Upeltegien Elkartea

Harmoniaren bila

Ardoa funtsezko faktorea da afari on bat apaintzeko edo plater jakin bat laguntzeko. Ardo ona aukeratzea ezinbestekoa da edozein plateretan bikaintasuna lortzeko, jakia nabarmendu dezakeelako edo jakiarekin bat datorrelako. Gastronomian fenomeno honi uztartzea deritzo. Uztartzearen lehen oinarria hau da: ez dago platerek ardoa lagundu behar duten edo alderantziz ote den ezartzen duen arau edo legerik. Oro har, ez da inolako lege zehatzik existitzen uztartzearen inguruan, beraz, guztia gustu, inspirazio, sentsibilate zein uneko emozio-egoeraren araberakoa izango da.

Solidoa eta likidoa modu bikainean elkarren osagarri izatea da gauza garrantzitsu bakarra, bata ez da bestea baino gehiago nabarmendu behar eta. Harmonia onaren emaitza izan behar du horrek. Bietako bat nabarmentzen bada eta gogoko baduzu, zapore hori atsegin duzula esan nahi du, baina ez du esan nahi aukeratu duzun konbinazioa ona denik. Uztartze onenetan bi elementuek puntu bat izaten dute komunean, jatorria, zenbait egitura, zaporeak edo usainak izan daitezkeelarik.

Zenbait printzipioren arabera, arrainekin batera ardo zuria edan behar da, eta haragiarekin, ordea, ardo beltza. Hala ere, ekarpen pertsonalak ez dira aldez aurretik baztertu behar. Garrantzitsuena dastamen-papilak liluratzea da, bide berriak ezagutu eta gastronomiaren barruan ate berriak irekitzeko.

Harmonia perfektua lortzeko hainbat elementu aintzat hartu behar ditugu. Usainak ezinbestekoak izango dira, gustua haiek zehazten dute eta; baita ardoaren zein plateraren dentsitatea ere, edota egitura eta materia. Adibidez, ardo bat findua eta diskretua bada, indarra eta presentzia galtzen du alboan plater aromatikoa badu. Ardoa, bestalde, arina bada, azkar desegingo da haragi gogor baten ondoan.

Jatordu bat antolatzerakoan, ardoak zerbitzatzeko ordena jakin bat existitzen da. Ordenak beti ardo txundigarrienetik hasi eta aroma handiena duenera izan behar da. Beti ardo arinak aterako ditugu gorputz gehiago dutenen aurretik, hotzenak giroko tenperaturan daudenak baino lehen, eta lehorrenak ere goxoenen aurretik.

Ardo zuriek hasi ohi dute jatordua, ondoren ardorik dotoreenak eta finenak etorriko dira, eta azkenik tanino gehien dituztenak. Arau hau zorrotza ez bada ere, ordena aldatzea onartzen da, batez ere gazta zerbitzatzen denean.

Ostalaritzaren esparruan sommelierrak dira mahaikideei janari eta ardoen balizko uztarketak aurkezteaz arduratzen direnak.

Kategoria hau baino gehiago: Zaporeen harmonia eta kontrastea »

Tweet HTML

ABRA 2.0

Informazio legala