ABRA Arabako Errioxako Upeltegien Elkartea

Arabako Errioxaren mahats barietateak

Tempranilloa

Barietate beltza da eta azal lodikoa. Altitude garaiak dira bere hazkundearentzat egokienak, nahiz eta klima epelagoak ere onartzen dituen. Mahats mota honen garraztasun puntua lortzeko klima freskoa da beharrezkoa Azukre maila altuak eta kolore bizia ematen duten azal lodiak lortzeko aldiz, klima beroagoa behar du izan. 

Mazuelo

Mazuelo mahatsaren ekoizpenak 1.814 hektarea hartzen ditu, hau da, Errioxako Jatorri Izendapenaren %3.5a soilik. Munduan 220.000 hektarea lantzen dira, hauetatik 207.000 Frantzian daudelarik. Nazioartean Carignan Noir izendapenarekin ezagutzen eta desberdintzen da frantziar jatorri hori.

Graziano

Errioxako Jatorri Izendapenaren %0,7a da soilik, 395 hektarea bakarrik lantzen direlarik. Barietate autoktonoa da, eta nazioartean bere jatorri espainiarra aitortzen zaio. Izen gutxien daukan barietate beltza da, eta gainontzekoekin alderatuta, ez da modu esanguratsu batean beste inon lantzen.

Biura

Errioxan lantzen den barietate zuri nagusia da, 7.589 hektarea hartzen dituelarik, hau da, azaleraren %15a. Mundu osoan zehar 58.000 hektarea lantzen dira eta horietatik 51.000 Espainian daude, beraz, espainiar jatorria aitortzen zaio. Egurrean ontzeko aproposa da, Errioxako usadioa jarraituz.

Malbasia

127 hektarea hartzen ditu malbasiak, izendapenaren lurretatik %0,25a soilik delarik. Jatorriz Asiatik dator, nahiz eta goiz sartu zen Europan. Malbasia mota asko daude mundu osoan zehar. Ustelduraren aurrean oso ahula da mahats hau eta mahats-mordoak heltzean kolorez hori-gorrixkak dira.

Garnatxa Zuria

Mahastondo zuria da, jatorriz barietate espainiarra. Beste izen askorengatik ere da ezaguna: Alicante blanca, garnacha gris, garnacho blanco, garnatxa blanca, grenache blanc, lledoné, silla blanc eta sillina blanc. Espainia osoan aurki daiteke barietate hau, baina bereziki Tarragonan, Zaragozan eta Teruelen.

 

Tweet HTML

ABRA 2.0

Informazio legala